روستای سورکوه

ای سورکوهئن؛ سلام!اگه قله قاف هم بشیم،بازم سورکوهی هیسیم.

شب یلدا (شب چله)

چند شو دیگه اگه خودا بخا، شو چله هیسه.

گیلانن از قدیم تا الون، همیشه شو چله با آداب و رسوم خاصی برپا کودون و در ایی مراسمون، هیندونه حتمن خاسی سر سفره یلدا بنه و اصلا بودون هیندونه شو چله مزه نداره.

ایمشو شو چله

چاقو بزنیم هیندونه کله

ازگیل که به زبان گیلکی اونه گیم کنوس، از دیگر موخلفات شو چله هیسه و یه مقدار قدیم آدمون شو چله حتمن اوکنوس خاسی شو چله بخورن و بودون اوکنوس ایشون شو جله به روز نرسی.

یشو بشوم کنوس کله

کنوس بچم یه ور وره

ماهی که یته از غذاهای اصلی مردم گیلان در زمانهای نه خیلی دور بو،در سرسوفره شام گیلانن  و بوخصوص شرق گیلان مین،در شو چله نابو و ماهی سرخوده با اونارنج همره و یا ماهی مالابیج، از غذاهای شوچله بو که ایی روزان قیمت ماهی از طلاجی در گیلان بیشتر و همش قسمت پولدارای تهرانی و شهرهای دیگه بونه و بیشتر گیلان آدمون، ماهی هن و ماهی خوردن ایشون وسه، نه اینکه آرزو ببه.بلکه سخته ببو.

خلاصه اینکه شب یلدا(شوچله) پیشاپیش بر امی سورکوه آدمون وسه،شویی خوش و خوشحالی همراه با سعادت و نیکبختی ببون.

ایشاءالله

او زمانهای گذشته حتمن می سن وسال جقلن شو چله ایشون خوب یاد دره و اوشونی که امی جی بزرگترن و احیانن سنی ازشون بوگذشته، او مراسم شو چله و نقل و داستونی که ایشون بزرگترن ایشون واسه گوتون،الون ایشون واسه خاطراتی شیرین و تکرار نبونی هیسه.

خودا بیامورزه شیمی رفتگان، می دایی خالو رضا خودا بیامورز، مره یاد دره او زمون که کوشته بوم، یشو که شو چله بو، هیندونه هیتبو بوردبو خونه و ایی شعره خوند که:

ایمشو شو چله

چاقو بزنم هیندونه کله

می پیلامر، خوشک سلی خودا بیامورز می دایی گوت که وچه هیندونه چه هیتی؟ ایمشو کامرونه هیندونه بخوره خا اینه لرز بزنه.(کامرونه می پسر دایی هیسه که یکی دو سال از مو کوچیکتره)

راسی اوزمون شو چله واقعن هوا سرد بو و سوز سرما،باعث بو که آدم فکر بونه که شو اول زمستان، انگار که هوا خانه که ورف بباره و شو چله بیشتر آدم مزه ده.

  
نویسنده : سیروس کریمی پور سورکوهی ; ساعت ٤:۱٠ ‎ب.ظ روز یکشنبه ٢٧ آذر ۱۳٩٠